پاکستان کا بیلسٹک میزائل شاہین ون اے کا کامیاب تجربہ
- March 26, 2021, 4:04 pm
- Breaking News
- 239 Views
راولپنڈی : پاکستان نے بیلسٹک میزائل شاہین ون اے کا کامیاب تجربہ کرلیا ، شاہین ون اے میزائل زمین سے زمین تک مار کرنےکی صلاحیت رکھتا ہے۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار کی جانب سے جاری بیان میں کہا ہے کہ پاکستان کا بیلسٹک میزائل شاہین ون اے کا کامیاب تجربہ کیا ، شاہین ون اے میزائل زمین سے زمین تک مار کرنےکی صلاحیت رکھتا ہے اور 900کلو میٹرتک ہدف کونشانہ بنا سکتا ہے۔
ڈی جی آئی ایس پی آر کا کہنا تھا کہ تجربے میں میزائل کےمختلف ٹیکنیکل پیرامیٹرزکوکامیابی سے جانچا گیا ، اس موقع پر ڈی جی ایس پی ڈی لیفٹیننٹ جنرل ندیم ذکی منج ،چیئرمین نیسکام ڈاکٹر رضا ثمر ودیگر موجود تھے۔
بیلسٹک میزائل شاہین ون اے کے کامیاب تجربے پر صدر پاکستان عارف علوی ، وزیراعظم عمران خان ،سروسز چیفس نے سائنسدانوں اور انجینئرز کو مبارکباد دی۔
یاد رہے گذشتہ ماہ بھی پاکستان نے کروز میزائل بابر کا کامیاب تجربہ کیا تھا ، بابرکروزمیزائل کا تجربہ ملٹی ٹیوب میزائل لانچ وہیکل کےذریعے کیا گیا۔
آئی ایس پی آر کا کہنا تھا کہ بابرکروزمیزائل450کلومیٹرتک زمین،سمندرمیں ہدف کونشانہ بنانےکی صلاحیت رکھتا ہے۔
