شمالی وزیرستان، سیکیورٹی فورسز کی دہشت گردوں سے جھڑپ، جوان شہید

شمالی وزیرستان، سیکیورٹی فورسز کی دہشت گردوں سے جھڑپ، جوان شہید

• April 14, 2020, 10:47 pm
• Breaking News
• 147 Views

راولپنڈی: شمالی وزیرستان میں سیکیورٹی فورسز کی دہشت گردوں سے جھڑپ ہوئی جس کے نتیجے میں لانس نائیک شہید ہوگئے۔

پاک فوج کے شعبہ تعلقات عامہ آئی ایس پی آر کے مطابق شمالی وزیرستان میں سیکیورٹی فورسز اور دہشت گردوں میں جھڑپ کے دوران لانس نائیک ارشاد خان نے جام شہادت نوش کیا۔

آئی ایس پی آر کے مطابق دہشت گردوں کی موجودگی پر کوئیک رسپانس فورسز نے کارروائی کی، 26 سالہ لانس نائیک ارشاد خان جمرود کے رہائشی ہیں۔

واضح رہے کہ گزشتہ روز دتہ خیل میں سیکیورٹی فورسز سے فائرنگ کے تبادلے کے دوران 2 دہشت گرد ہلاک ہوگئے۔

آئی ایس پی آر کے مطابق دہشت گردوں کی فائرنگ سے تبادلے میں نائیک عادل شہزاد نے جام شہادت نوش کیا۔شہید نائیک عادل شہزاد کا تعلق مانسہرہ کے علاقے سے تھا

یاد رہے کہ تین روز قبل بھی شمالی وزیرستان میں فورسز کا انٹیلی جنس بیسڈ آپریشن کے دوران 7 دہشت گرد ہلاک ہوگئے، دہشت گردوں کی فائرنگ کے تبادلے میں 2 جوانوں نے بھی جام شہادت نوش کیا تھا۔

خیال رہے کہ اس سے قبل بھی سیکیورٹی فورسز کی جانب سے شمالی وزیرستان اور مہمند میں انٹیلی جنس بیسڈ آپریشن کے دوران 7 دہشت گرد مارے گئے تھے۔

آئی ایس پی آر کا کہنا تھا کہ کارروائی شمالی وزیرستان کے عدل خیل گاؤں میں کی گئی، دہشت گرد علاقے سے فرار ہوتے ہوئے مارے گئے، دہشت گردوں سے اسلحہ، مواصلاتی آلات برآمد کرلیے گئے۔