عید تعطیلات کے بعد بینک کب کھلیں گے؟ اسٹیٹ بینک کا بڑا اعلان

عید تعطیلات کے بعد بینک کب کھلیں گے؟ اسٹیٹ بینک کا بڑا اعلان

• May 21, 2020, 2:32 pm
• Breaking News
• 109 Views

کراچی: اسٹیٹ بینک آف پاکستان نے اعلان کیاہے کہ عید تعطیل کے آخری روز ملک بھر کے نجی بینکوں اور مائیکرو فنانس بینکس کی منتخب شاخیں کھولی جائیں۔

اسٹیٹ بینک آف پاکستان کے ترجمان کی جانب سے جاری اعلامیے کے مطابق بدھ27مئی کو ملک بھر میں بینکوں اورمائیکروفنانس بینکوں کی منتخب برانچیں کھلی رہیں گی۔

اعلامیے میں کہا گیا ہے کہ ’طویل عید تعطیلات میں عوام کے لیے محدود بینکاری جاری رکھنےکا فیصلہ کیا، تمام بینکس اپنی صوابدید پرمنتخب برانچز کھول سکتے ہیں‘۔

اسٹیٹ بینک نے ہدایت کی ہے کہ منتخب برانچوں میں کم سےکم ضروری عملےکی تعیناتی کو یقینی بنایا جائے۔

یاد رہے کہ حکومت پاکستان نے ملک بھر میں 22 مئی سے 27 مئی تک عید کی تعطیلات دینے کا اعلان کیا ہے۔ وزارت داخلہ کی جانب سے جاری نوٹی فکیشن کے بعد جمعے سے بدھ (6 روز) تک ملک بھر میں تمام نجی و سرکاری ادارے بند رہیں گے۔

واضح رہے کہ عام طور پر بینکس وفاق کی جانب سے دی جانے والی تعطیلات کے دنوں میں بند رہتے ہیں مگر اسٹیٹ بینک آف پاکستان نے صارفین کی سہولت کے لیے عید کے فوری بعد یعنی 27 مئی کو مخصوص برانچز کھولنے کی ہدایت کی ہے۔