مقامی کرنسی مارکیٹوں میں بھی پاکستانی روپے کے مقابلے میں امریکی ڈالر کی قدر بڑھنے کا رجحان برقرار رہا

مقامی کرنسی مارکیٹوں میں بھی پاکستانی روپے کے مقابلے میں امریکی ڈالر کی قدر بڑھنے کا رجحان برقرار رہا

• May 29, 2020, 11:18 am
• Business News
• 107 Views

مقامی کرنسی مارکیٹوں میں جمعرات کو بھی پاکستانی روپے کے مقابلے میں امریکی ڈالر کی قدر بڑھنے کا رجحان برقرار رہا جس کے نتیجے میں انٹر بینک میں ڈالر162.30روپے اور اوپن مارکیٹ میں161.80روپے کی بلند سطح پر پہنچ گیا ۔دیگر کرنسیوں میں یورو اور برطانوی پاونڈ کی قدر میں ایک روپے کا اضافہ ریکارڈ کیا گیا۔
فاریکس ایسوسی ایشن آف پاکستان کے مطابق عید اور ہفتہ وار تعطیلات کے بعد جمعرات کوپاکستانی روپے پر دیگر غیر ملکی کرنسیوں کا دباو،ْ دیکھنے میں آیا جس کے باعث انٹر بینک میں روپے کے مقابلے ڈالر کی قدر میں ایک روپی20پیسے کا اضافہ ہوا جس سے ڈالر کی قیمت خرید160.80روپے سے بڑھ کر162روپے اور قیمت فروخت161روپے سے بڑھ کر162.30روپے ہوگئی جبکہ مقامی اوپن کرنسی مارکیٹ میں80پیسے کے اضافے سے ڈالر کی قیمت خرید 160.50روپے سے بڑھ کر161.30روپے اور قیمت فروخت161روپے سے بڑھ کر161.80روپے ہو گئی۔
دیگر کرنسیوں میں ایک روپے کے اضافے سے یورو کی قیمت خرید173.50روپے سے بڑھ کر174.50روپے اور قیمت فروخت175.50روپے سے بڑھ کر176.50روپے ہو گئی جب کہ برطانوی پونڈ کی قیمت خرید194روپے سے بڑھ کر195روپے اور قیمت فروخت196روپے سے بڑھ کر197روپے ہوگئی۔فاریکس رپورٹ کے مطابق سعودی ریال کی قیمت خرید 41.80روپے سے بڑھ کر42روپے اور قیمت فروخت 42.30روپے سے بڑھ کر42.50روپے ہوگئی جب کہ یوے ای درہم کی قیمت خرید 42.90روپے سے بڑھ کر43.30روپے اور قیمت فروخت 43.40روپے سے بڑھ کر43.80روپے ہوگئی ۔