پنجاب میں کرونا وائرس سے ریکارڈ اموات

پنجاب میں کرونا وائرس سے ریکارڈ اموات

• June 20, 2020, 3:28 pm
• COVID-19
• 104 Views

لاہور: صوبہ پنجاب میں کرونا وائرس سے اموات کی شرح خطرناک حد تک بڑھ گئی، پنجاب میں کرونا وائرس سے جاں بحق افراد کی تعداد 13 سو سے تجاوز کرگئی۔

تفصیلات کے مطابق صوبہ پنجاب میں کرونا وائرس سے ریکارڈ اموات سامنے آگئیں، محکمہ صحت پنجاب کا کہنا ہے کہ 24 گھنٹے میں کرونا وائرس سے 82 اموات رپورٹ ہوئی ہیں۔

محکمہ صحت پنجاب کا کہنا ہے کہ پنجاب میں کرونا وائرس سے جاں بحق افراد کی تعداد 13 سو 47 ہوگئی ہے۔

ترجمان محکمہ صحت کے مطابق کرونا وائرس کے 2 ہزار 538 نئے کیس سامنے آئے ہیں جس کے بعد صوبے میں کرونا وائرس کے مریضوں کی تعداد 64 ہزار 216 ہوگئی۔

پنجاب میں کرونا وائرس کے 4 لاکھ 7 ہزار 83 ٹیسٹ کیے جا چکے ہیں جبکہ پنجاب میں کرونا وائرس کو شکست دینے والوں کی تعداد 17 ہزار 964 ہوگئی ہے۔

پنجاب سمیت ملک بھر میں کرونا کیسز کا گراف تیزی سے بلند ہوتا جا رہا ہے، گزشتہ 24 گھنٹوں کے دوران ملک میں 6 ہزار 604 نئے کیسز سامنے آئے جس کے بعد ملک بھر میں وائرس سے متاثرہ افراد کی تعداد 1 لاکھ 71 ہزار 666 ہوگئی۔

گزشتہ 24 گھنٹوں کے دوران ملک میں کرونا وائرس سے مزید 153 اموات ہوئیں، مجموعی طور پر اموات کی تعداد 3 ہزار 382 ہوگئی ہے۔

گزشتہ چند دنوں میں 10 لاکھ آبادی میں کرونا سے اموات کی شرح 13 سے بڑھ کر 15 فیصد ہو چکی ہے، جبکہ 10 لاکھ آبادی میں کیسز کی تعداد بھی بڑھ کر 778 ہوگئی ہے۔