کورونا کے باعث تعطیلات ، اسکول فیسوں کے حوالے سے بڑا اعلان

کورونا کے باعث تعطیلات ، اسکول فیسوں کے حوالے سے بڑا اعلان

• July 8, 2020, 5:19 pm
• Education News
• 201 Views

پشاور: خیبرپختونخوا پرائیویٹ اسکولز ریگولیٹری اتھارٹی کا کہنا ہے کہ نجی تعلیمی ادارے کورونا کے باعث چھٹیوں میں 10 فیصد کم فیس لیں گے اور اس سال فیس میں کوئی اضافہ نہیں کیا جائے گا۔

تفصیلات کے مطابق خیبرپختونخوا پرائیویٹ اسکولز ریگولیٹری اتھارٹی نے اعلامیہ جاری کیا ہے ،جس میں کہا گیا ہے کہ نجی تعلیمی ادارے کوروناکے باعث چھٹیوں میں 10 فیصد کم فیس لیں گے اور اسکول چھوڑنےکی صورت میں بقایاجات دینے پر سرٹیفکیٹ دیا جائے گا۔

اعلامیے میں کہا گیا کوئی بھی اسکول اس سال فیس میں کوئی اضافہ نہیں کرے گا اور کوئی اسکول اپنےعملےکوفارغ نہیں کرسکے گا جبکہ تمام نجی تعلیمی ادارے ہر ماہ عملے کو مکمل تنخواہ کے پابند ہیں۔

یاد رہے وزیراعظم عمران خان کی زیرصدارت قومی رابطہ کمیٹی کے اجلاس میں فیصلہ کیا گیا کہ تعلیمی ادارے 15 جولائی تک بند رہیں گے تاہم وزیر تعلیم شفقت محمود کی زیر صدارت اجلاس میں ایس او پیز کے ساتھ ستمبر کے پہلے ہفتے میں تعلیمی ادارے کھولنے کا فیصلہ کیا گیا ہے، حتمی منظوری کل این سی او سی سے لی جائے گی۔