عیدالاضحٰی کی تعطیلات کے دوران موسم کی صورتحال کے حوالے سے شہریوں کیلئے اچھی خبر

عیدالاضحٰی کی تعطیلات کے دوران موسم کی صورتحال کے حوالے سے شہریوں کیلئے اچھی خبر

• July 30, 2020, 11:00 pm
• Weather News
• 218 Views

عیدالاضحٰی کی تعطیلات کے دوران موسم کی صورتحال کے حوالے سے شہریوں کیلئے اچھی خبر، محکمہ موسمیات کے مطابق جمعہ سے ہفتہ کے دوران لاہور، اسلام آباد سمیت ملک کے دیگر شہروں میں شام اور رات سے صبح کے اوقات میں تیز ہواؤں اور گرج چمک کے ساتھ بارش کا امکان ہے۔ محکمہ موسمیات کی جانب سے پیشگوئی کی گئی ہے کہ جمعہ سے ہفتہ کے دوران ہزارہ، مالاکنڈ، پشاور، مردان، کوہاٹ، راولپنڈی، گوجرانوالہ، لاہور، سرگودھا، فیصل آباد، بارکھان، خضدار، ژوب، موسیٰ خیل، کشمیر اور اسلام آباد میں رات سے صبح کے اوقات میں تیز ہواؤں اور گرج چمک کے ساتھ بارش جبکہ دن کے دوران زیادہ تر حبس اور مطلع جزوی طور پر ابر آلود رہے گا۔
اس دوران چند مقامات پر موسلا دھار بارش کا بھی توقع ہے۔
سندھ اور مکران کے ساحلی علاقوں میں بھی ہلکی بارش کا امکان ہے جبکہ ملک کے دیگر علاقوں میں موسم گرم اور مرطوب ہی رہے گا۔ اتوار کے روز ملک کے بیشترعلاقوں میں موسم گرم اور مرطوب رہے گا۔ تاہم کشمیر، راولپنڈی، اسلام آباد، مانسہرہ، ایبٹ آباد، سیالکوٹ اور نارووال میں گرج چمک کے ساتھ بارش کا امکان ہے۔

محکمہ موسمیات کے مطابق (آج) جمعرات کے روز ملک کے بیشتر علاقوں میں موسم گرم اور مرطوب رہے گا۔ تاہم خیبر پختو نخوا، پنجاب، کشمیراور گلگت بلتستان میں تیز ہوائوں اورگرج چمک کے ساتھ بارش کا امکان ہے۔ اس دوران زیریں سندھ میں چند مقامات پر بارش کی توقع ہے۔ گذشتہ 24 گھنٹے کے دوران پنجاب، کشمیر، خیبر پختونخوا،اسلام آباداور سندھ میں آندھی اورگرج چمک کے ساتھ بارش ہوئی۔
سب سے زیادہ بارش اسلام آباد سیدپور 57، زیرو پوائنٹ 30، گولڑہ 19، بوکڑہ 08، پنجاب میں (راولپنڈی (چکلالہ 32)، مری 15، سیالکوٹ ( ایئر پورٹ 10،سٹی ٹریس)، گجرات 02، جہلم ٹریس کشمیر میں گڑھی دوپٹہ 13، راولاکوٹ 07، کوٹلی 04، مظفرآباد ٹریس خیبر پختونخوا میں سیدو شریف 07، کاکول 06، سندھ میں کراچی ( ایئر پورٹ (اولڈ)، مسرور01 ) ملی میٹربارش ریکارڈکی گئی۔ اس دوران ملک میں زیادہ سے زیادہ درجہ حرارت سبی 46 ،دادو،نوکنڈی 45،دالبندین ،روہری اور نوابشا ہ میں 44ڈگری سینٹی گریڈ ریکارڈ کیا گیا۔