آرمی چیف جنرل قمرجاوید باجوہ رواں ہفتے سعودی عرب کا دورہ کریں گے

آرمی چیف جنرل قمرجاوید باجوہ رواں ہفتے سعودی عرب کا دورہ کریں گے

• August 13, 2020, 1:51 pm
• Breaking News
• 188 Views

راولپنڈی : آرمی چیف جنرل قمرجاوید باجوہ رواں ہفتے سعودی عرب کادورہ کریں گے، دورے میں حالیہ صورتحال اور تنازع کشمیر پر گفتگوکی جائے گی۔

تفصیلات کے مطابق غیرملکی خبر ایجنسی کا کہنا ہے کہ آرمی چیف جنرل قمرجاوید باجوہ رواں ہفتے سعودی عرب کادورہ کریں گے،دونوں ممالک میں حالیہ صورتحال پر تبادلہ خیال کیا جائے گا اور دورے میں تنازع کشمیر پر بھی گفتگوکی جائے گی۔

ڈی جی آئی ایس پی آر میجر جنرل بابر افتخار نےغیرملکی خبرایجنسی سے گفتگو میں کہا ہے کہ آرمی چیف سعودی عرب جا رہے ہیں، یہ دورہ پہلے سے طے شدہ اور” بنیادی طور پر فوجی امور پر مبنی “تھا۔

یاد رہے 2 روز قبل آرمی چیف جنرل قمر جاوید باجوہ سے سعودی سفیر نواف بن سعید المالکی نے ملاقات کی تھی ، ملاقات میں ’باہمی دلچسپی کے امور، علاقائی سلامتی کی صورتحال اور دونوں برادر ملکوں کے درمیان باہمی دفاعی تعلقات پر تبادلہ خیال کیا گیا تھا۔

خیال رہے دونوں ممالک روایتی طور پر قریب ہیں اور سعودی عرب نے 2018 میں پاکستان کو 3 بلین ڈالر کا قرض اور 3.2 بلین ڈالر کا تیل قرض کی سہولت دی تاکہ ادائیگیوں کے بحران کے توازن میں مدد مل سکے۔