مہنگائی کے ستائے عوام کے لئے برُی خبر، بجلی مزید مہنگی ہونے کا امکان
- February 19, 2021, 1:59 pm
- Business News
- 221 Views
اسلام آباد: مہنگائی کے ستائے عوام پر ایک اور بم گرانے کی تیاریاں، سی پی پی اے نے بجلی مہنگی کرنے کے لئے نیپرا میں درخواست جمع کرادی ہے۔
تفصیلات کے مطابق ایک ہفتے کے دوران دوسری بار بجلی کی قیمتوں میں اضافے کی درخواست نیپرا میں جمع کرائی گئی ہے، نیپرا کی جانب سے سی پی پی اے میں بجلی کی قیمتوں میں 92 پیسہ فی یونٹ اضافے کی درخواست دی ہے۔
درخواست میں موقف اپنایا گیا ہے کہ جنوری میں 7 ارب 72 کروڑ یونٹ بجلی پیدا ہوئی جبکہ بجلی کی پیداواری لاگت 51 ارب 66 کروڑرہی، پیداوارپر فیول لاگت کا تخمینہ 5 روپے 75 پیسے فی یونٹ لگایاگیاتھا، مگر جنوری میں فیول لاگت 6 روپے 68 پیسے فی یونٹ رہی۔
درخواست میں موقف اپنایا گیا کہ 18روپے 94 پیسے فی یونٹ مہنگی ترین بجلی ڈیزل سےپیدا کی گئی، فرنس آئل سے 12 روپے 34 پیسے فی یونٹ بجلی پیدا ہوئی، ایل این جی سے 8 روپے ،قدرتی گیس سے 7 روپے فی یونٹ بجلی پیداہوئی۔
سی سی پی اے کی جانب سے دائر درخواست میں بتایا گیا کہ 27 پیسے فی یونٹ بجلی لائن لاسزکی نذرہوگئی، نیپرا بجلی کی قیمتوں میں اضافےکی درخواست پر25 فروری کوسماعت کرےگا۔
واضح رہے کہ بارہ فروری کو بھی نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں ایک روپے 95 پیسے اضافے کی منظوری دی تھی، نیپرا کا کہنا تھا کہ فیصلے کا اطلاق 50 یونٹ تک غریب صارفین پر بھی یکساں ہوگا اور فیصلے سے صارفین پر دو سو ارب روپے کا اضافہ بوجھ پڑے گا، تاہم کے الیکٹرک کے صارفین پر فیصلے کا اطلاق نہیں ہوگا۔
