سعودی عرب کے 68 سالہ ’’خلانورد شہزادے‘‘ کی 25 سالہ دوشیزہ سے شادی

  • May 5, 2018, 5:14 pm
  • Entertainment News
  • 1.09K Views

کویت سٹی: دنیا کے پہلے مسلمان خلانورد اور سعودی عرب کے 68 سالہ شہزادے سلطان بن سلمان نے دبئی کی 25 سالہ دوشیزہ سے 50 ملین ڈالر حق مہر کے عوض شادی کرلی۔

عالمی خبر رساں ادارے کے مطابق 68 سالہ سعودی شہزادے کی شادی کی پُرتعیش تقریب کویت کے فور سیزن ہوٹل ’برج الشایا‘ میں منعقد ہوئی جہاں بارات کے 20 سے 30 رینج رووز گاڑیوں پر مشتمل قافلے کی آمد پر رنگارنگ آتش بازی کی گئی جب کہ دلہن کے اہل خانہ کےلیے ہیرے اور سونے کے متعدد سیٹ اور تحائف پر مشتمل 30 بڑے صندوق پیش کیے گئے۔

سعودی شہزادے سلطان بن سلمان نے اپنی دلہن کو 50 ملین ڈالر کی رقم بطور حق مہر بھی ادا کی جب کہ خصوصی تقریب کے لیے دلہن نے سفید لباس زیب تن کر رکھا تھا جو عالمی شہرت یافتہ فیشن ڈیزائنر کی تخلیق تھا۔ اس لباس کی خاص بات اس کی لمبائی اور ہیروں اور موتیوں کا جڑا ہونا تھا۔ دلہن کی لباس کی لمبائی کو دیکھتے ہوئے خصوصی اسٹیج تیار کیا گیا تھا۔

واضحرہے کہ 25 سالہ دوشیزہ، سلطان بن سلمان کی دوسری بیوی ہیں۔

سلطان بن سلمان معروف تاجر ہونے کے علاوہ سعودی فضائیہ کے ماہر ترین پائلٹ بھی رہے ہیں جبکہ وہ 17 جون 1985 کے روز امریکی خلائی شٹل ڈسکوری کے ذریعے خلائی مشن (STS-51-G) پر جانے والے اوّلین مسلمان خلانورد بھی تھے۔


Sultan bin Salman Saudi prince 68 years old married a 25yr old girl. Her dowry was 50M dollars, the convoy had about 20-30 white range rovers, a lot of diamonds as gift and this was her in the wedding gown.



Featured News