ban jaon agar tumsa tmhain kesa lage ga?
Har pal main rahoun tum se kahfa kesa lage ga?
parhte ho mjhe tum jo namazo ki tarah se
Ho jaon agar tum se Kaza kesa lage ga?
Tum pyar ko khud main mitane per ho razii
Ban jaye agar Pyar Saza lesa lage ga?
Khud se bhi ziada yakin ho tum ko kisi per
Wo shakhs hi de jaye dagha kesa lage ga?
Tum ooron ki mehfil ka diya ban kar jaloo
Oor tanhai mile tum ko phir kesa lage ga?

Send this SMS to mobile
Rate:	Category: Love	Posted by: Raheel

ye jo diivaane se do chaar nazar aate hai.n
in me.n kuchh saahib-e-asraar nazar aate hai.n

terii mahafil kaa bharam rakahate hai.n so jaat ehai.n
varnaa ye log to bedaar nazar aate hai.n

duur tak ko_ii sitaaraa hai na ko_ii juganuu
marg-e-ummiid ke aasaar nazar aate hai.n

mere daaman me.n sharaaro.n ke sivaa kuchh bhii nahii.n
aap phuulo.n ke Khariidaar nazar aate hai.n

kal jise chhuu nahii.n sakatii thii farishto.n kii nazar
aaj vo raunaq-e-baazaar nazar aate hai.n

Send this SMS to mobile
Rate:	Category: Poetry	Posted by: Raheel

shaam ke saa.Nvale chehare ko nikhaaraa jaaye
kyo.n na saagar se ko_ii chaa.Nd ubhaaraa jaaye
raas aayaa nahii.n taskii.n kaa saahil ko_ii
phir mujhe pyaas ke dariyaa me.n utaaraa jaaye
meharabaa.N terii nazar, terii adaaye.n qaatil
tujhako kis naam se ai dost pukaaraa jaye
mujhako Dar hai tere vaade pe bharosaa karake
muft me.n ye dil-e-Khushafaham na maaraa jaaye
jisake dam se tere din-raat daraKhshaa.N the "Qateel"
kaise ab us ke binaa vaqt guzaaraa jaaye

Send this SMS to mobile
Rate:	Category: Poetry	Posted by: Raheel

tumhaarii a.njuman se uTh ke diivaane kahaa.N jaate
jo vaabastaa hu_e tum se vo afasaane kahaa.N jaate
nikal kar dair-o-kaabaa se agar milataa na maiKhaanaa
to Thukaraaye hu_e i.nsaa.N Khudaa jaane kahaa.N jaate
tumhaarii beruKhii ne laaj rakh lii baadaaKhaane kii
tum aa.Nkho.n se pilaa dete to paimaane kahaa.N jaate
chalo achchhaa huaa kaam aa ga_ii diivaanagii apanii
vagarnaa ham zamaane bhar ko samajhaane kahaa.N jaate

Send this SMS to mobile
Rate:	Category: Poetry	Posted by: Raheel

vafaa ke shiish mahal me.n sajaa liyaa mai.n ne
vo ek dil jise patthar banaa liyaa mai.n ne
ye soch kar ki na ho taak me.n Khushii ko_ii
Gamo.n ki oT me.n Khud ko chhupaa liyaa mai.n ne
kabhii na Khatm kiyaa mai.n ne roshanii kaa muhaaz
agar chiraaG bujhaa, dil jalaa liyaa mai.n ne
kamaal ye hai ki jo dushman pe chalaanaa thaa
vo tiir apane kaleje pe khaa liyaa mai.n ne
'Qateel' jisakii adaavat me.n ek pyaar bhii thaa
us aadamii ko gale se lagaa liyaa mai.n ne

Send this SMS to mobile
Rate:	Category: Poetry	Posted by: Raheel

vo dil hii kyaa tere milane kii jo duaa na kare
mai.n tujh ko bhuul ke zi.ndaa rahuu.N Khudaa na kare
rahegaa saath teraa pyaar zindagii banakar
ye aur baat merii zindagii vafaa na kare
ye Thiik hai nahii.n marataa koii judaaii me.n
Khudaa kisii se kisii ko magar judaa na kare
sunaa hai usako mohabbat duuaaye.N detii hai
jo dil pe choT to khaaye magar gilaa na kare
zamaanaa dekh chukaa hai parakh chukaa hai use
"Qateel" jaan se jaaye par iltajaa na kare

Send this SMS to mobile
Rate:	Category: Love	Posted by: Raheel

ye mojazaa bhii muhabbat kabhii dikhaaye mujhe
ki sang tujhape gire aur zaKhm aaye mujhe

vo maharabaa.N hai top iqaraar kyuu.N nahii.n karataa
vo badagumaa.N hai to sau baar aazamaaye mujhe

mai.n apane paa.Nv tale rau.ndataa huu.N saaye ko
badan meraa hii sahii dopahar na bhaaye mujhe

mai.n ghar se terii tamannaa pahan ke jab nikaluu.N
barahanaa shahar me.n koii nazar na aaye mujhe

vo meraa dost hai saare jahaa.N ko hai maaluum
daGaa kare vo kisii se to sharm aaye mujhe

Send this SMS to mobile
Rate:	Category: Love	Posted by: Raheel

pahale to apane dil kii razaa jaan jaa_iye
phir jo nigaah-e-yaar kahe maan jaa_iye
pahale mizaaj-e-raahaguzar jaan jaa_iye
phir gard-e-raah jo bhii kahe maan jaa_iye
kuchh kah rahii hai aap ke siine kii dha.Dakane
merii sune.n to dil kaa kahaa maan jaa_iye
ik dhuup sii jamii hai nigaaho.n ke aas paas
ye aap hai.n to aap pe qurbaan jaa_iye
shaayad huzuur se ko_ii nisbat hame.n bhii ho
aa.Nkho.n me.n jhaa.Nk kar hame.n pahachaan jaa_iye

Send this SMS to mobile
Rate:	Category: Love	Posted by: Raheel

The one thing we can never get enough of is love. And the one thing we never give enough is love

Send this SMS to mobile
Rate:	Category: Love	Posted by: Raheel

When you feel cold and warm at the same time, when you read over the same line for the tenth time, when your heart and thoughts somehow appear to rhyme, and when a simple name conquers your whole mind, then you are in deep trouble my friend... you are in what they call, "love".

Send this SMS to mobile
Rate:	Category: Love	Posted by: Raheel

1 | 2 | 3